Նորություններ և իրադարձություններ

Նոյեմբերի 21-ին  Ավանդական բժշկության համալսարանում տեղի ունեցավ բ․գ․թ․, պրոֆեսոր  Է․Մ․Մինասյանի  «Արևելյան ավանդական բժշկության տեսական հիմունքները և ասեղ-այրում թերապիա առարկան»  ուսումնական ձեռնարկի  շնորհանդեսը։

Միացյալ Թագավորության  «Ընդհանուր բժշկության խորհուրդը» /General Medicine Council/ ճանաչել է Ավանդական բժշկության համալսարանի Առաջնային բժշկական որակավորման /PMQ/ համապատասխանությունը՝ GMC-ի չափանիշներին

Նոյեմբերի 14-ը նշվում է որպես շաքարային դիաբետի դեմ պայքարի համաշխարհային օր։ Այս կապակցությամբ  Ավանդական բժշկության համալսարանում տեղի ունեցավ ուսանողական գիտական սեմինար՝ «Դիաբետի բուժման հասանելիությունը» խորագրով։

2023 թվականի հոկտեմբերի 16-ից 18-ը ՀՀ ԳԱԱ Լ.Ա.Օրբելու անվան Ֆիզիոլոգիայի ինստիտուտում տեղի ունեցավ միջազգային գիտաժողով, որը կազմակերպել էր Օրբելու անվան Ֆիզիոլոգիայի ինստիտուտը և «BIO-SEE» կենսապատկերման միջազգային ասոցիացիան:

Հոկտեմբերի 21-ին Ավանդական բժշկության համալսարանի ուսանողների  համար կազմակերպվեց  «Մերձեցման երեկո» :   Միջոցառումը կազմակերպվել էր “Campus International” կենտրոնի և ԱԲՀ Ուսանողական խորհրդի կողմից: Միջոցառմանը մասնակցում էին  համալսարանի ղեկավարությունն ու աշխատակիցները, «Campus International» կենտրոնի աշխատակիցները, ՀՀ-ում Հնդկաստանի դեսպանատան երկրորդ քարտուղար Ադիթյա Կումար Պանդեյը, Հնդկաստանի այլ հարգարժան ներկայացուցիչներն ու համալսարանի տարբեր ազգությունների ուսանողները։

ԱԲՀ ուսանողական խորհրդի նախաձեռնությամբ և Երևանի Ավանի շախմատի մարզադպրոցի աջակցությամբ ս/թ հոկտեմբերի 14-ին Ավանդական բժշկության համալսարանում անցկացվեց ներբուհական շախմատի մրցաշար, որին մասնակցում էին համալսարանի հայ և օտարազգի թվով 24 ուսանողներ:

Հուլիսի  19 և 20 –ին ԱԲՀ-ն  հանդիսավորությամբ դեպի կյանքի նոր շրջափուլ ճանապարհեց  իր շրջանավարտների  27-րդ սերնդին:     «Բուժական գործ» և «Ստոմատոլոգիա» մասնագիտությունների   թվով  117   շրջանավարտներ հանդիսավորությամբ ստացան ավարտական դիպլոմներ։

Հունիսի 23-ից 25-ը ԱԲՀ դասախոսներ Նաիրա Հունանյանը, Հայարփի Ջավրուշյանը և Աննա Օվչյանը մասնակցեցին «Կրթական ծրագրերի համահնչեցում #WFME (Բժշկական կրթության համաշխարհային ֆեդերացիա) չափորոշիչներին» թեմայով վերապատրաստման դասընթացներին: ՈԱԱԿ-ի նախաձեռնած դասընթացներին մասնակցում էին Հայաստանում գործող 4 բժշկական ուսումնական հաստատությունների ներկայացուցիչներ և անհատներ: Դասընթացների ավարտին «Կրթական ծրագրերի համահնչեցում #WFME (Բժշկական կրթության համաշխարհային ֆեդերացիա) չափորոշիչներին» թեմայով վերապատրաստման մասնակիցները ստացան իրենց հավաստագրերը:

Վերջերս Ավանդական բժշկության համալսարանի և Պրովիզոր-նկարիչ Լ. Սարգսյանի անվան բժշկական քոլեջի միջև կնքվեց համագործակցության պայմանագիր: Համաձայնագրի շրջանակներում նախատեսվում է իրականացնել փորձի փոխանակում՝ դասավանդման մեթոդների, հետազոտական աշխատանքների, կրթական ծրագրերի ուսումնասիրման ոլորտներում: Կկատարվի նաև  կրթական ծրագրերի  համեմատական վերլուծություն՝ բենչմարքինգ:

ԱԲՀ-ում շարունակվում են 2022-2023 ուսումնական տարվա «Բուժական գործ» և «Ստոմատոլոգիա»  մասնագիտությունների ավարտական կուրսերի ամփոփիչ ատեստավորումները: