«Արևելյան ավանդական բժշկության տեսական հիմունքները և ասեղ-այրում թերապիա առարկան»  ուսումնական ձեռնարկի  շնորհանդեսը

Նոյեմբերի 21-ին  Ավանդական բժշկության համալսարանում տեղի ունեցավ բ․գ․թ․, պրոֆեսոր  Է․Մ․Մինասյանի  «Արևելյան ավանդական բժշկության տեսական հիմունքները և ասեղ-այրում թերապիա առարկան»  ուսումնական ձեռնարկի  շնորհանդեսը։

Ուսումնական ձեռնարկի  համահեղինակներն են՝ ՌԴ Մոսկվա քաղաքի «Ինտրամեդ կենտրոնի» գլխավոր բժիշկ, «Չինական բժշկության» ամբիոնի պատվավոր անդամ Վ.Ս. Մկրտչյանը, «Իզմիրլյան» ԲԿ-ի «Վերականգնողական կենտրոնի» տնօրեն, բ.գ.թ. Ն.Ս. Մկրտչյանը:

Դասագրքում  ամփոփվել է չինական ավանդական բժշկության փիլիսոփայական աշխարհայացքները, զարգացման փուլերը: Այն  առաջին հայալեզու ուսումնական ձեռնարկն է, որում ներառված է «Ասեղ-այրում թերապիա» առարկայի ամբողջ տեսական մասը և արտացոլում է պրոֆեսորի պրակտիկ աշխատանքի շուրջ 33 տարվա փորձը։

Ուսումնական ձեռնարկն ուղեցույց է ուսանողների, բժիշկների համար, քանզի այն իր խորը բովանդակությամբ, ահռելի ինֆորմացիայով և նորություններով պատասխանում է շատ ու շատ հարցերի, լրացնում է ժամանակակից բժշկությանը և է՛լ ավելի հարստացնում բժշկի գիտելիքները:

ԱԲՀ հիմնադրման օրվանից առ այսօր համալսարանի աշխատանքներին, գիտակրթական ծրագրերի իրականացմանը անմնացորդ նվիրումի և անբասիր աշխատանքի համար ԳԽ-ի որոշմամբ  դասախոս, բ․գ․թ․, պրոֆեսոր  Է․Մ․Մինասյանին հանձնվեց պատվոգիր և որպես խրախուսանք՝ դրամական պարգև:

Ավանդական բժշկության համալսարանի ողջ անձնակազմը շնորհավորում է այս կարևոր իրադարձության առթիվ, մաղթում՝ նորանոր հաջողություններ ու ձեռքբերումներ  բժշկության և գիտության զարգացման գործում։