Ուսումնական գործընթացին նպաստելու նպատակով՝ ԱԲՀ գրադարանը համագործակցում է մի շարք էլեկտրոնային գրադարանների հետ:
Համալսարանի ուշադրության կենտրոնում է միջազգային էլեկտրոնային ռեսուրսների լայն տեսականուց ուսանողներին օգտվելու հնարավորության ընձեռումը: Այս առիթով, ԱԲՀ գրադարանը պարբերաբար ձեռք է բերում էլեկտրոնային շտեմարանների անվճար մուտքեր, ինչպես նաև՝ բաժանորդագրվում էլեկտրոնային հանրահայտ մի շարք ամսագրերի, այդ թվում նաև՝ բժշկական:
Ստորև ներկայացվում է համալսարանականներին անվճար օգտվելու իրավունք ընձեռած էլեկտրոնային մի շարք ամսագրերի, լրատվական էլեկտրոնային շտեմարանների ցանկը՝
- SAGE Premier ամսագրերի ժողովածուն պարունակում է միջազգային առաջատար հեղինակավոր ամսագրեր` բժշկության, հումանիտար, սոցիալական գիտությունների, տեխնոլոգիաների և բիզնեսի ոլորտներում: 2019թ. տվյալներով հավաքածուն ներառում է 1.093 վերնագիր, այդ թվում ՝ 74 նոր հանդես:
«SAGE Journals» պլատֆորմի միջոցով հասանելի են ավելի քան 470,000 հոդվածներ:
- Royal Society Journals հավաքածուն իր մեջ ներառում է 9 անուն բարձր հեղինակություն ունեցող ամսագրեր ֆիզիկական և կենսաբանական գիտություններին առնչվող: Նրա բաժանորդները կարող են օտվել «Royal Society's Digital Archive»-ից, որում նյութեր կան՝ սկսած 1665 թվականից:
- IMechE Journals SAGE Publishing-ի կողմից հրատարակված «IMechE Journals»-ն առաջարկում է 18 անուն գիտական ամսագիր մեխանիկական ինժեներության թեմաներով: «IMechE» ամսագրերն ընդգրկում են մեքենաշինության բոլոր ոլորտները: Յուրաքանչյուր ամսագիր կենտրոնացած է ինժեներության մի բնագավառի վրա, որոնք ունեն իրենց խմբագրական խորհուրդը, որտեղ բոլոր խմբագիրներն էլ առաջատար ինժեներներ են: Ընդգրկելով թեմաների հսկայական ծավալ՝ էներգետիկայից մինչև սպորտային ճարտարագիտություն և տեխնոլոգիա, այս ամսագրերը կազմում են ցանկացած ինժեներական հավաքածուի էական մաս:
- Edward Elgar Publishing-ի էլեկտրոնային գրքերի հավաքածուները ներառում են ավելի քան 750 անուն գիրք՝ բազմաթիվ ոլորտների ուսումնասիրությունների վերբարյալ, այդ թվում՝ առողջապահություն, ֆինանսներ, տնտեսագիտություն, կորպորատիվ կառավարում, հասարակական և սոցիալական քաղաքականություն, միգրացիա, մտավոր սեփականություն, շրջակա միջավայրի աշխարհագրություն, էներգետիկ քաղաքականություն, հետազոտության մեթոդներ, շրջակա միջավայրի նկատմամբ կորպորատիվ սոցիալական պատասխանատվություն, տրանսպորտ և այլն: Հավաքածուն ներառում է գիտական մենագրություններ, ձեռնարկներ, հանրագիտարաններ և տեղեկատու գրքեր:
- «E-Duke Journals Scholarly Scholarly» հավաքածուն առցանց մուտք է ապահովում «Duke University Press»-ի ամսագրերին հումանիտար և սոցիալական գիտություններում:
Ամսագրերում հասանելի են հոդվածներ հետևյալ բնագավառներում՝ գենդերային և սեռականության ուսումնասիրություններ, մարդաբանություն, արվեստի և արվեստի պատմություն, տնտեսագիտություն, կրթություն, բնապահպանական հումանիտար գիտություններ, ազգագրագիտություն, գեղարվեստական գրականություն և պոեզիա, կինո և մեդիա ուսումնասիրություններ, սոցիոլոգիա և այլն:
- ASTM Compass-ը արդյունաբերության առաջատար ստանդարտների և տեխնիկական տեղեկատվության հսկայական հավաքածու է: Այն էական ռեսուրս է ցանկացած տեխնիկական համալսարանի, գրադարանի կամ հետազոտական և զարգացման կենտրոնի համար: Ստանդարտների իմացությունը և հասկացողությունը իրական առավելություն է տալիս ոլորտն ուսումնասիրող ուսանողներին:
- OpenEdition Freemium Journals- Հումանիտար և սոցիալական գիտությունների 175 միջազային ամսագրեր բաց են տարբեր ֆորմատներով տարբեր էլեկտրոնային կրիչների համար։ Հրատարակությունների 80%-ը ֆրանսերեն են, կան նաև անգլերեն, իսպաներեն, իտալերեն, գերմաներեն, պորտուգալերեն:
- «Polpred.com Media Review» լրատվական էլեկտրոնային շտեմարան- ռուսալեզու այս շտեմարանը ներառում է վերջին 25 տարիների ընթացքում տարբեր ԶԼՄ-ների կողմից հրապարակված միլիոնավոր հոդվածներ, կարևոր նյութեր և հարցազրույցներ ավելի քան 25000 առաջին դեմքերից, որոնք խմբավորված են ըստ 110 ոլորտների՝ ներառյալ բժշկականը:
Հայերեն
