Հայերեն
Դիմորդների փաստաթղթերը
Համալսարանի արտաքին կապերի բաժինը համալսարանի միջազգայնացմանը նպաստող ենթակառուցվածք է, որն իր գործունեությունն իրականացնում է Արտաքին կապերի բաժնի կանոնակարգի հիման վրա:
Համալսարանի Արտաքին կապերի բաժնի աշխատանքներն իրականացնում են բաժնի վարիչը և բաժնի առաջատար մասնագետը՝ ռեկտորի և համալսարանի ստորաբաժանումների հետ համատեղ:
Բաժնի գործունեության հիմնական նպատակն է համալսարանի Ռազմավարական ծրագրում ամրագրված խնդիրների լուծումը, որը նպատակաուղղված է օտարերկրյա ուսանողների ներգրավման ու երկրների աշխարհագրության մեծացմանը, կրթական և գիտահետազոտական բնագավառներում համալսարանի միջագային համագործակցության ընդլայնմանը, ինչպես նաև համալսարանի ինտեգրմանը միջազգային գիտական և կրթական գործընթացներին, ծրագրերին և այլն:
Համալսարանի Միջազգային կապերի հիմնական գործառույթները նպատակաուղղված են՝
ԱԲՀ-ը համագործակցում է արտերկրյա գործընկերների հետ` իրականացնելով մասնագիտական դասընթացներ, սեմինարներ և միջազգային գիտաժողովներ:
Համալսարանի միջազգայնացմանը և ճանաչմանը նպաստում է բուհի աշխատակիցների և դասախոսների մասնակցությունը տարբեր գիտաժողովներին, սեմինար-քննարկումներին, պետական և հասարակական տարբեր կառույցների կողմից կազմակերպվող միջոցառումներին:
Համալսարանի որոշ դասախոսներ արտերկրում (Չեխիա, Իսրաել, Գերմանիա, ԱՄՆ, Ռուսաստան, Ֆրանսիա և այլն) մասնակցել են վերապատրաստման տարբեր ծրագրերի:
Համալսարանի դասախոսներից շատերը կատարելագործման կուրսեր են անցել հանրապետության տարբեր կառույցներում` մասնակցելով դասընթացների, սեմինար պարապմունքների, միջազգային գիտաժողովների, որոնք կազմակերպվել են տեղական և միջազգային կառույցների կողմից:
Համալսարանը կազմակերպում է հրավերքային դասընթացներ, որի շրջանակում հրավիրված օտարերկրյա ճանաչված մասնագետները (Գերմանիա, Ռուսաստան, ԱՄՆ) գիտական դասախոսություններ են կարդում և անցկացնում սեմինար պարապմունքներ:
Համալսարանը համագործակցում է նաև Ինտեգրատիվ բժշկության միջազգային ակադեմիայի հետ:
Տեղական կառույցներից համալսարանը համագործակցում է ՀՀ Ստոմատոլոգների ասոցիացիայի հետ: Դասախոսները և ուսանողներն ակտիվորեն մասնակցում են Ստոմատոլոգների ասոցիացիայի կողմից կազմակերպված բոլոր միջոցառումներին, սեմինարներին և միջազգային գիտաժողովներին: Այդ ասոցիացիայի անդամներ են մեր դասախոսներից և ուսանողներից շատերը:
Այս ամենը, բնականաբար, նպաստում է դասախոսների և ուսանողների միջազգային փորձի ձեռքբերմանը և փոխանակմանը, տեղեկատվության բարձրացմանը:
Միջազգային կապերի հաստատման, միջազգային և տեղական համագործակցության պայմնագրերի կնքման միջոցով համալսարանը փորձում է խթանել բուհի փորձի փոխանակմանը և կրթական ծրագրերի միջազգայնացմանն ու բարելավմանը: Այս ամենը նպաստում է միջազգային գիտակրթական կապերի ամրապնդմանը, զարգացմանը` միտված գիտության և կրթության զարգացման ապահովման գիտական ձեռքբերումների միջազգային ճանաչմանը:
