Հայերեն
Դիմորդների փաստաթղթերը
2023 թվականի հոկտեմբերի 16-ից 18-ը ՀՀ ԳԱԱ Լ.Ա.Օրբելու անվան Ֆիզիոլոգիայի ինստիտուտում տեղի ունեցավ լայնամասշտաբ միջազգային գիտաժողով, որը կազմակերպել էր Օրբելու անվան Ֆիզիոլոգիայի ինստիտուտը և «BIO-SEE» կենսապատկերման միջազգային ասոցիացիան:
Ինստիտուտի 80-ամյա հոբելյանին նվիրված գիտաժողովին, Ֆիզիոլոգիայի ինստիտուտի գիտնականների հետ համագործակցության շրջանակներում, մասնակցեցին նաև ԱԲՀ ներկայացուցիչները՝ երկու պաստառային զեկույցով:
Զեկույցներից մեկը համահեղինակված էր ԱԲՀ Գիտական մասի վարիչ, դասախոս, բժիշկ Վահան Գրիգորյանի և ԱԲՀ ուսանող Պ. Անջան Կումարի կողմից: Գիտաժողովի պաստառային զեկույցների միջազգային մրցույթում այս զեկույցն արժանացավ մրցանակի՝ գրավելով 3-րդ հորիզոնականը:
Վ. Գրիգորյանը և Պ. Անջան Կումարը, Ֆիզիոլոգիայի ինստիտուտի գործընկերների հետ համատեղ, իրականացնում են հետազոտական նախագիծ պերիֆերիկ նյարդային հյուսվածքի ինժեներիայի ոլորտում: Վ.Գրիգորյանը կոնֆերանսի բանավոր գիտական զեկույցի ընթացքում ներկայացրեց տեղական և միջազգային դրամաշնորհների արժանացած նախագիծը:
Մյուս պաստառային զեկույցի համահեղինակն էր ԱԲՀ ուսանողուհի Մահսա Քամալին, որը նաև հանդես էր գալիս որպես Գիտաժողովի կազմկոմիտեի անդամ: Մ. Քամալին ունի գիտությունների թեկնածուի աստիճան՝ սաղմնաբանության ոլորտում և ԱԲՀ-ում այժմ ստանում է երկրորդ՝ «Բուժական գործ» մասնագիտությունը:
Ունենալով հյուսվածքային ինժեներիայում խորը գիտելիքներ՝ նա ներկայումս ներգրավված է հյուսվածքային ինժեներիայի ոլորտի փորձարարական հետազոտական նախագծում: Նշենք, որ նախագիծը ֆինանսավորվում է «ANSEF» դրամաշնորհի շրջանակներում:
