Նորություններ և իրադարձություններ

Հուլիսի  19 և 20 –ին ԱԲՀ-ն  հանդիսավորությամբ դեպի կյանքի նոր շրջափուլ ճանապարհեց  իր շրջանավարտների  27-րդ սերնդին:     «Բուժական գործ» և «Ստոմատոլոգիա» մասնագիտությունների   թվով  117   շրջանավարտներ հանդիսավորությամբ ստացան ավարտական դիպլոմներ։

Հունիսի 23-ից 25-ը ԱԲՀ դասախոսներ Նաիրա Հունանյանը, Հայարփի Ջավրուշյանը և Աննա Օվչյանը մասնակցեցին «Կրթական ծրագրերի համահնչեցում #WFME (Բժշկական կրթության համաշխարհային ֆեդերացիա) չափորոշիչներին» թեմայով վերապատրաստման դասընթացներին: ՈԱԱԿ-ի նախաձեռնած դասընթացներին մասնակցում էին Հայաստանում գործող 4 բժշկական ուսումնական հաստատությունների ներկայացուցիչներ և անհատներ: Դասընթացների ավարտին «Կրթական ծրագրերի համահնչեցում #WFME (Բժշկական կրթության համաշխարհային ֆեդերացիա) չափորոշիչներին» թեմայով վերապատրաստման մասնակիցները ստացան իրենց հավաստագրերը:

Վերջերս Ավանդական բժշկության համալսարանի և Պրովիզոր-նկարիչ Լ. Սարգսյանի անվան բժշկական քոլեջի միջև կնքվեց համագործակցության պայմանագիր: Համաձայնագրի շրջանակներում նախատեսվում է իրականացնել փորձի փոխանակում՝ դասավանդման մեթոդների, հետազոտական աշխատանքների, կրթական ծրագրերի ուսումնասիրման ոլորտներում: Կկատարվի նաև  կրթական ծրագրերի  համեմատական վերլուծություն՝ բենչմարքինգ:

ԱԲՀ-ում շարունակվում են 2022-2023 ուսումնական տարվա «Բուժական գործ» և «Ստոմատոլոգիա»  մասնագիտությունների ավարտական կուրսերի ամփոփիչ ատեստավորումները:

ԱԲՀ-ում մեկնարկել են 2022-2023 ուսումնական տարվա «Բուժական գործ» և «Ստոմատոլոգիա»  մասնագիտությունների ավարտական կուրսերի ամփոփիչ ատեստավորումները:

Ավանդական բժշկության համալսարանի և Լեհաստանի Բիդգոշչի (WSG) համալսարանի միջև կնքված հուշագրի շրջանակում մայիսի 29-30-ը տեղի ունեցավ հանդիպում WSG համալսարանի միջազգային բաժնի ներկայացուցիչ Լիդիա Շահբազյանի և ԱԲՀ-ի համապատասխան ստորաբաժանումների ղեկավարների հետ:

2023 թվականի մայիսի 25-ին Ավանդական բժշկության համալսարանում տեղի ունեցավ ուսանողական գիտաժողով՝ «Ինտեգրատիվ բժշկությունը՝ ապացուցողական բժշկության համատեքստում» թեմայով: Գիտաժողովը կազմակերպել էին ԱԲՀ Գիտական մասն ու ԱԲՀ ՈՒԳԸ-ն:

Մայիսի 19-ին միջազգային համագործակցության շրջանակներում Ավանդական բժշկության համալսարանը հյուրընկալեց ԱՄԷ-ի Շարժա քաղաքի «Success Point college»-ի Մարքեթինգի և PR-ի ղեկավարին, դասախոսներին, իրենց ուսումը ԱԲՀ-ում շարունակել ցանկացող ուսանողներին և նրանց ծնողներին:

Միջազգայնացումը Ավանդական բժշկության համալսարանի ռազմավարության առաջնահերթություններից մեկն է: Միջազգային համագործակցության շրջանակներում  Հայաստանի պատվիրակությունը սույն թվականի մայիսի 2-7-ը մեկնել էր ԱՄԷ-ի Դուբայ, Շարժա և Աջման քաղաքներ՝ այցելելու մի շարք կրթօջախներ:

2023թ.-ի ապրիլի 13-ից 15-ը Լեհաստանի Կրակով քաղաքում տեղի ունեցավ միջազգային բժշկական ուսանողական 31-րդ կոնֆերանսը, որը կազմակերպել էր Կրակովի Յագելլոնիան համալսարանի Ուսանողական Գիտական խորհուրդը: Կոնֆերանսին ակտիվորեն մասնակցեցին Ավանդական բժշկության համալսարանի «Արտաքին կապեր» բաժնի առաջատար փորձագետ Լիանա Վարդանյանը և «Բուժական գործ» ֆակուլտետի 5-րդ կուրսի ուսանող Սամուել Ադոմահը, ով նաև հանդիսանում է ԱԲՀ-ի «Ուսանողական գիտական ընկերության» քարտուղար: Եռօրյա կոնֆերանսի ընթացքում կազմակերպվեցին տարատեսակ սեմինարներ, դասախոսություններ և մրցույթներ, որի ընթացքում բարձրակարգ պրոֆեսորադասախոսական կազմը ներկաներին փոխանցեց մեծ փորձ և գիտելիքներ: Լիանան և Սամուելը հնարավորություն ունեցան ներկայացնել ԱԲՀ-ն Յագելլոնիան համալսարանի Ուսանողական Գիտական խորհրդի նախագահ Յեժի Կրզեսովիակին, որտեղ քննարկվեցին մի շարք հնարավորություններ հետագա համագործակցության վերաբերյալ: Յեժի Կրզեսովիակը մեծ սիրով համաձայնեց կազմակերպել ԱԲՀ ՈՒԳԸ-ի հետ համատեղ հեռավար սեմինարներ, քննարկումներ և հետազոտությունների փոխանակումներ: Ինչպես նաև երկու համալսարանների «Արտաքին կապեր» բաժինները ակտիվորեն կհամագործակցեն հետագա լայնամասշտաբ կոնֆերանսների կազմակերպման համար, արդեն Երևանում: