ԱՎԱՆԴԱԿԱՆ ԲԺՇԿՈՒԹՅԱՆ ՀԱՄԱԼՍԱՐԱՆԻ ԱՇԽԱՏԱՆՔԱՅԻՆ ԽՄԲԻ ԱՅՑԸ ԱՐԱԲԱԿԱՆ ՄԻԱՑՅԱԼ ԷՄԻՐՈՒԹՅՈՒՆՆԵՐ

ԱԲՀ-ն շարունակում է իր գործընկերների հետ ակտիվ աշխատանքներ տանել միջազգայնացման և օտարազգի պոտենցիալ դիմորդների հավաքագրման ուղղությամբ: Հերթական նմանատիպ միջոցառումներից էր Համալսարանի գործընկեր «Կամպուս Ինտերնեշենալ» ՍՊԸ-ի տնօրեն Աշոկ Կրիշնայի նախաձեռնությամբ ԱԲՀ-ի ռեկտոր Ն․Սարիբեկյանի հրամանով ձևավորված աշխատանքային խմբի գործուղումը /25.10.2024թ.-31.10.2024թ./ Արաբական Միացյալ էմիրություններ՝ քաղաք Դուբայ: Աշխատանքային խմբում ընդգրկված էին ՈԱ և ԿԲ գծով պրոռեկտոր՝ Ա․ Գյոզալյանը, դեկան Ա․ Կարապետյանը, ուսումնական մասի վարիչ՝ Ա․ Սարգսյանը, ՄՌԿ և ընդհանուր բաժնի վարիչ՝ Ն․ Թարջումանյանը, Թերապևտիկ առարկաների ամբիոնի վարիչ՝ Մ․ Նազլուխանյանը և ՈԱ առաջատար մասնագետ՝ Մ․ Հովսեփյանը: Այցի շրջանակում աշխատանքային խումբը մասնակցեց Ավանդական բժշկության համալսարանի պոտենցիալ դիմորդների հավաքագրման երկրորդ գրասենյակի բացման արարողությանը: Այցի ընթացքում հանդիպումներ եղավ գրասենյակի ղեկավար՝ Թուլիսի Դասի հետ, որը ներկայացրեց ընթացիկ աշխատանքները և հետագա պլանները, քննարկվեցին մի քանի կարևոր հարցեր, ինչպիսիք են՝ համալսարանի վերաբերյալ անհրաժեշտ տեղեկատվության տրամադրումը, դիմորդների և նրանց ծնողների հետ նախատեսվող հանդիպումների ժամանակահատվածը, դիմորդներին հետաքրքրող հարցերի լուծման հետադարձ կապի ապահովման մեխանիզմները և այլն: Գրասենյակի տնօրեն Թուլիսի Դասը տեղեկացրեց, որ 2025թ. հունվար ամսվա վերջին Դուբայում տեղի է ունենալու «Կրթություն և կարիերա» միջազգային էքսպո ցուցահանդեսը, որին մասնակցելու հրավեր ունի նաև ԱԲՀ-ն: Նախնական պայմանավորվածություն ձեռք բերվեց քննարկել այդ հարցը ԱԲՀ-ի ռեկտոր Ն.Սարիբեկյանի հետ և հնարավորության սահմաններում պատրաստվել և բարձր մակարդակով մասնակցել ցուցահանդեսին