Մերձեցման երեկո՝ ուսանողների համար

Հոկտեմբերի 23-ին Ավանդական բժշկության համալսարանը և «Campus International» կազմակերպությունը ուսանողների համար կազմակերպել էին «Մերձեցման երեկո»: Միջոցառմանը մասնակցում էին համալսարանի աշխատակազմը, «Campus International»-ի աշխատակիցները, համալսարանի ուսանողությունն ու նրանց ծնողները և  հյուրեր:

 Համալսարանի ղեկավարության անունից ներկաներին ողջունեց  դեկան Անահիտ Կարապետյանը: Իր խոսքում կարևորելով ուսանողների համար նմանատիպ միջոցառումների կազմակերպումը՝  դեկանը նշեց , որ դրանք նպաստում են հայ և շուրջ 16 երկրներից համալսարանում սովորող  օտարազգի  ուսանողների համախմբմանը, բարեկամական, ընկերական հարաբերությունների խորացմանը և ձևավորում են միջմշակութային ակտիվ կապեր:

Միջոցառման ժամանակ 2024-25 ուստարում բարձր առաջադիմություն ցուցաբերած լավագույն ուսանողներին տրվեցին  հուշանվերներ և վկայականներ:

Երեկույթի ընթացքում տարբեր ազգերի ուսանողներ ներկայացրեցին իրենց ազգային պարը, երգն ու երաժշտությունը: