Հայերեն
Դիմորդների փաստաթղթերը
Դեկտեմբերի 19-ին տեղի ունեցավ Ավանդական բժշկության համալսարանի 30- ամյակին նվիրված հոբելյանական միջոցառումը:
Ներկաների թվում էին կրթության ոլորտի մի շարք ներկայացուցիչներ, այդ թվում՝ Խ.Աբովյանի անվան մանկավարժական համալսարանի Գիտահետազոտական կենտրոնի ղեկավար, հ.գ. դոկտոր, պրոֆեսոր և ԱԲՀ Ստոմատոլոգիական ֆակուլտետի նախկին դեկան Կամո Վարդանյանը, «Campus International» կենտրոնի հիմնադիր նախագահ Աշոկ Կարուվարաթոդին, Գլաձոր համալսարանի ռեկտոր, ի.գ. դոկտոր, պրոֆեսոր Ժորա Ջհանգիրյանը, Ակադեմիական փոխճանաչման և շարժունության ազգային տեղեկատվական կենտրոնի տնօրեն Գայանե Հարությունյանը, ԵՊՀ Իջևանի մասնաճյուղի ռեկտոր, ԵՊՀ Իջևանի մասնաճյուղի ռեկտոր, ֆ.գ.թ., դոցենտ Անուշավան Մակարյանը, մի շարք երկրների դիվանագետներ, վարչական և պրոֆեսորադասախոսական անձնակազմի աշխատակիցներ, ուսանողներ և այլոք:
Միջոցառման սկզբում ներկաներն ոտնկայս իրենց հարգանքի տուրքը մատուցեցին 44- օրյա պատերազմի ժամանակ զոհված մեր հայրենակիցների հիշատակին:
Իր ողջույնի խոսքով՝ ԱԲՀ դեկան Անահիտ Կարապետյանը շնորհավորեց ԱԲՀ-ի հիմնադիր- ռեկտոր պարոն Սարիբեկյանին, համալսարանի ողջ անձնակազմին, դասախոսներին և ուսանողներին: Ներկայացնելով համալսարանի անցած բեղմնավոր ուղին՝ դեկանը նշեց.
«Հայտնի է , որ ուսանողական տարիներին է ձևավորվում անհատը, և մեր համալսարանի գերագույն նպատակն է պատրաստել այնպիսի բժիշկներ, ովքեր ունակ կլինեն ցուցաբերելու բոլորանվեր, անմնացորդ պատրաստակամություն, ինքնազոհություն, անսահման բարութուն. հատկանիշներ, որոնք հիվանդի ապաքինման գրավականն են»:
Անդրադառնալով կրթության դերին՝ դեկան Կարապետյանը կարևորեց օր-օրի փոխվող համաշխարհային մարտահրավերներին արդիական, կայուն ու հարուստ գիտելիքներով դիմագրավելու անհրաժեշտությունն ու պայմանը:
Երեկույթի ընթացքում երկարատև, բարեխիղճ և անբասիր աշխատանքի համար պարգևատրվեցին համալսարանի մի շարք աշխատակիցներ:
Պարգևատրումներից անմասն չմնացին նաև լավագույն ուսանողներն ու ԱԲՀ ուսանողական գիտական ընկերության կողմից առավել աչքի ընկած ուսանողները:
Միջոցառումն էլ ավելի գունեղ դարձրեցին համալսարանի տարբեր ազգությունների ուսանողների ասմունքն ու մշակութային կատարումները:
