Ավանդական բժշկության համալսարանի «Բաց գիտություն» նախագծի երկրորդ բաց դասախոսությունը

Հուլիսի 21-ին տեղի ունեցավ Ավանդական բժշկության համալսարանի «Բաց գիտություն» նախագծի երկրորդ բաց դասախոսությունը:

Նախագիծը բաց գիտական միջոցառումների շարք է,  որն իրականացվում է ԱԲՀ Գիտական մասի կողմից / ԱԲՀ Գիտական մասի վարիչ, նախագծի հիմնադիր  Վահան Գրիգորյան/:  Այս անգամ մեր հատուկ հյուրն էր Բոլոնիայի համալսարանի և Նյարդաբանական ինստիտուտի նեյրոհոգեբույժ, իտալացի բժիշկ Յակոպո Պրուկկոլին: Դասախոսությունը նվիրված էր մանկական և դեռահասային տարիքում սննդային վարքագծի խանգարումներին: Հիբրիդային ֆորմատով իրականացված դասախոսության ընթացքում ներկայացվեցին ինչպես տեսական, այնպես էլ՝ պրակտիկ ասպեկտներ: Բժիշկ Պրուկկոլին անդրադարձավ նաև Գերմանիայի Տյուբինգենի համալսարանում իր և գործընկերների կողմից իրականացվող հետազոտություններին:

Միջոցառմանը ներկա էին ինչպես ԱԲՀ ուսանողներ և մասնագետներ, այնպես էլ՝ այլ բուհերի և հետազոտական կենտրոնների  գիտնականներ, բժիշկներ, ուսանողներ:

ԱԲՀ «Բաց գիտություն» նախագծին հատուկ անդրադարձել է Հայաստանի Հանրային հեռուստատեսությունը: Ռեպորտաժը կարող եք դիտել այս հղմամբ՝

https://youtu.be/v-RhFXcgbAo