Հայերեն
Դիմորդների փաստաթղթերը
Համալսարանը, իր հիմնադրման առաջին իսկ օրվանից, որդեգրել է հստակ քաղաքականություն` իրականացնելու ռազմավարական ծրագրի պահանջներին համապատասխան տեսական և գործնական բնույթի հետազոտություններ, որի իրականացման հիմքում դրվել է հետևյալ գաղափարը` վերականգնել և գիտական հիմքերի վրա դնել ավանդական բժշկության ախտորոշման և բուժման մեթոդները, համախմբել և դրանք դարձնել նպատակամետ:
Հետազոտական աշխատանքները տարվում են գիտական հոդվածների, մենագրությունների, դասագրքերի, ուսումնական ձեռնարկների, մեթոդական ուղեցույցների պատրաստման և հրատարակման ձևով: Հետազոտական աշխատանքներին, բացի դասախոսական անձնակազմից, մասնակցում են նաև ուսանողները և շրջանավարտները:
Համալսարանի գիտամանկավարժական փորձը 1998 թ. Կիպրոսում կազմակերպված միջազգային կոնֆերանսում լավագույնս արժևորվեց և այն գնահատվեց որպես ինտեգրատիվ բժշկության մասնագետներ պատրաստելու առաջին և առաջավոր փորձ:
Համալսարանում պարբերաբար կազմակերպվում են ներբուհական, հանրապետական և միջազգային գիտաժողովներ, սեմինարներ: Տպագրված տեսական և գործնական նշանակություն ունեցող շուրջ 200 գիտական աշխատանքներից շատերը ներդրվել են գործնական բժշկության մեջ:
Ավանդական բժշկության ամբիոնի վարիչ բ.գ.թ. Է. Մինասյանի կողմից մշակված հիվանդությունների ախտորոշման, կոմպլեքս բուժման, դեղաբույսերի և դեղամիջոցների անհատական ընտրության ինքնատիպ մեթոդը, ըստ ժամանակակից և արևելյան ավանդական բժշկության, ՀՀ կառավարությանն առընթեր Արտոնագրային վարչությունը ճանաչել է որպես գյուտ և սահմանել հեղինակային իրավունք:
Նկատի ունենալով ավանդական և ժամանակակից բժշկության առանձնահատկությունները, ավանդական բժշկության հետազոտությունների մեթոդաբանությունը համապատասխանեցվում է Առողջապահության համաշխարհային կազմակերպության 2002թ.-ին հռչակած պահանջներին, գիտության զարգացման միջազգային տենդենցներին ու ձեռքբերումներին:
Բուհի գերակա շահը համալսարանի գիտական ուղղությունների իրականացումն է:
Հետազոտական ոլորտում հետաքրքրությունների և հավակնությունների ուսումնասիրումն իրականացվում է ամբիոնների կողմից: Այս աշխատանքներում ընդգրկված են նաև գիտաբժշկական ուսումնական կենտրոնը, ՈՒԳԸ-ն և գիտական մասը:
Համալսարանի գիտահետազոտական աշխատանքը պրոֆեսորադասախոսական կազմի և ուսանողների գործունեության կարևոր հիմնական ուղղությունն է: Այս տեսանկյունից գիտական հետազոտությունների ռազմավարությունը ենթադրում է իրար փոխկապակցված երեք խնդիրների լուծում.
Իրականացված հետազոտությունների արդյունքում համալսարանի «Ավանդական բժշկության» ամբիոնի կողմից մշակվել են` «Արևելյան ավանդական բժշկություն և ասեղ-այրում թերապիա», «Իրիդոդիագնոստիկա», «Հոմեոպաթիա», «Մանուալ թերապիա», «Ֆիտոթերապիա» և այլ առարկայական ծրագրերը և ներդրվել են ուսումնական գործընթացում:
Այժմ ընթացքի մեջ են Է. Մինասյանի «Օրգանիզմի էներգոինֆորմացիոն համակարգի ռեզոնանսային մեթոդով ախտորոշում` արևելք-արևմուտք ինտեգրալ մոտեցմամբ» գրքի հրատարակման աշխատանքները:
