Քիմիական ճարտարագիտության/ինժիներիայի մեջ մասնագիտանալուց հետո Համզեն որոշեց մասնագիտանալ նաև բժշկության ոլորտում։
«Քիմիական ճարտարագիտության ոլորտում ունեմ և՛ բակալավրի, և՛ մագիստրոսի կոչում՝ տրված Իսլամական Ազադ համալսարանի կողմից (Իրան): Բացի այդ, որպես ասիստենտ աշխատել եմ «Իրանի Ազադ» և «Փայամ Նուր» համալսարաններում։ Մի շարք հեղինակավոր ամսագրերում տպագրել եմ ավելի քան 50 հոդված։ Աշխատել եմ նաև որպես հրավիրյալ խմբագիր և գրախոս ավելի քան 50 ամսագրերում (ինդեքսավորված WoS/Scopus-ի կողմից), որտեղ գնահատել եմ ավելի քան 100 հոդված նավթի, քիմիական նյութերի, համակարգչային ճարտարագիտության, ինչպես նաև գազի ճարտարագիտության վերաբերյալ»- ներկայացնելով իր կենսագրությունը՝ պատմում է ապագա բժիշկ Ղորբանին:
Այժմ Ղորբանին սովորում է Հայաստանում՝ Ավանդական բժշկության համալսարանի Բուժական ֆակուլտետի երկրորդ կուրսում։ Նրան հետաքրքրում են արհեստական ինտելեկտի և մեքենայական ուսուցման կիրառումը բժշկական հետազոտություններում, ինչպես նաև ուռուցքաբանության և մանրէաբանության ոլորտները:
«Վերջերս իրականացվել են մի քանի նախագծեր անատոմիայի, հյուսվածաբանության, բժշկական ֆիզիոլոգիայի, բակտերիաների աճի գնահատման, ինչպես նաև ուռուցքաբանության մեջ ժամանակակից տեխնոլոգիաների կիրառման վերաբերյալ»,-նշում է Համզեն՝ ավելացնելով, որ ուսումնասիրությունների արդյունքները ներառված են մի քանի ձեռագրերում, որոնք առաջիկայում կներկայացվեն տարբեր ամսագրերի և գիտաժողովների համար։
Բժշկի համար կարևոր է ոչ միայն կլինիկական գործնական հմտությունները, այլև կենսաբժշկական գիտության հետ կապված խնդիրների վերաբերյալ գիտական մտածելակերպ և խորը պատկերացում ունենալը: Այս առումով Հ.Ղորբանին ակնառու օրինակ է, որը նաև մյուս ուսանողներին ոգեշնչում է ավելի շատ բժշկական գիտությամբ զբաղվել։
Նրա հետազոտությունների և հրապարակումների վերաբերյալ լրացուցիչ տեղեկություններ կարելի է ստանալ նրա մասնագիտական պրոֆիլների հետևյալ հղումներով.
Orchid: https://orcid.org/
0000-0003-4657-8249
Research Gate: https://www.researchgate.net/profile/Hamzeh-Ghorbani-hmzh-qrbany
Google Scholar: https://scholar.google.com/citations?user=99-_bOQAAAAJ&hl=en
LinkedIn: https://www.linkedin.com/in/hamzeh-ghorbani-948698106/
Publons: https://publons.com/researcher/1373302/hamzeh-ghorbani/