Հայերեն
Դիմորդների փաստաթղթերը
Համալսարանի կրթական ծրագրերի որակի ապահովման, գնահատման կարևոր ցուցանիշ է ուսանողների շարժունության ապահովումը:
Ավանդական բժշկության համալսարանի և Լեհաստանի Բիդգոշչի (WSG) համալսարանի միջև կնքված հուշագրի շրջանակում մայիսի 29-30-ը տեղի ունեցավ հանդիպում WSG համալսարանի միջազգային բաժնի ներկայացուցիչ Լիդիա Շահբազյանի և ԱԲՀ-ի համապատասխան ստորաբաժանումների ղեկավարների հետ: Հանդիպման ընթացքում քննարկվեցին կրթության զարգացման, ուսանողների փոխանակման, բուժքույրության, բժշկական օգնության, պրակտիկայի ծրագրերի իրականացման հետ կապված մի շարք հարցեր:
Լիդիա Շահբազյանը հանդիպում ունեցավ նաև ուսանողների հետ՝ սահիկաշարով ներկայացնելով իրենց համալսարանի կողմից առաջարկվող կարճաժամկետ պրակտիկայի ծրագիրը: Այն մեծ հետաքրքրություն առաջացրեց ուսանողների մոտ, քանի որ ուսանողներին տրվում է վերոհիշյալ համալսարանի կլինիկայում պրակտիկան անցնելու և համալսարանի կրթական ռեսուրսներից օգտվելու հնարավորություն, իսկ բարձր առաջադիմություն ունեցող 2 ուսանողների համար պրակտիկան կազմակերպվում է անվճար:
Նմանատիպ ծրագրերի իրականացումը կարող է խթանել ուսանողների մոտիվացիան ուսման նկատմամբ:
