Նորություններ և իրադարձություններ

ԱԲՀ-ում մեկնարկել են 2022-2023 ուսումնական տարվա «Բուժական գործ» և «Ստոմատոլոգիա»  մասնագիտությունների ավարտական կուրսերի ամփոփիչ ատեստավորումները:

Ավանդական բժշկության համալսարանի և Լեհաստանի Բիդգոշչի (WSG) համալսարանի միջև կնքված հուշագրի շրջանակում մայիսի 29-30-ը տեղի ունեցավ հանդիպում WSG համալսարանի միջազգային բաժնի ներկայացուցիչ Լիդիա Շահբազյանի և ԱԲՀ-ի համապատասխան ստորաբաժանումների ղեկավարների հետ:

2023 թվականի մայիսի 25-ին Ավանդական բժշկության համալսարանում տեղի ունեցավ ուսանողական գիտաժողով՝ «Ինտեգրատիվ բժշկությունը՝ ապացուցողական բժշկության համատեքստում» թեմայով: Գիտաժողովը կազմակերպել էին ԱԲՀ Գիտական մասն ու ԱԲՀ ՈՒԳԸ-ն:

Մայիսի 19-ին միջազգային համագործակցության շրջանակներում Ավանդական բժշկության համալսարանը հյուրընկալեց ԱՄԷ-ի Շարժա քաղաքի «Success Point college»-ի Մարքեթինգի և PR-ի ղեկավարին, դասախոսներին, իրենց ուսումը ԱԲՀ-ում շարունակել ցանկացող ուսանողներին և նրանց ծնողներին:

Միջազգայնացումը Ավանդական բժշկության համալսարանի ռազմավարության առաջնահերթություններից մեկն է: Միջազգային համագործակցության շրջանակներում  Հայաստանի պատվիրակությունը սույն թվականի մայիսի 2-7-ը մեկնել էր ԱՄԷ-ի Դուբայ, Շարժա և Աջման քաղաքներ՝ այցելելու մի շարք կրթօջախներ:

2023թ.-ի ապրիլի 13-ից 15-ը Լեհաստանի Կրակով քաղաքում տեղի ունեցավ միջազգային բժշկական ուսանողական 31-րդ կոնֆերանսը, որը կազմակերպել էր Կրակովի Յագելլոնիան համալսարանի Ուսանողական Գիտական խորհուրդը: Կոնֆերանսին ակտիվորեն մասնակցեցին Ավանդական բժշկության համալսարանի «Արտաքին կապեր» բաժնի առաջատար փորձագետ Լիանա Վարդանյանը և «Բուժական գործ» ֆակուլտետի 5-րդ կուրսի ուսանող Սամուել Ադոմահը, ով նաև հանդիսանում է ԱԲՀ-ի «Ուսանողական գիտական ընկերության» քարտուղար: Եռօրյա կոնֆերանսի ընթացքում կազմակերպվեցին տարատեսակ սեմինարներ, դասախոսություններ և մրցույթներ, որի ընթացքում բարձրակարգ պրոֆեսորադասախոսական կազմը ներկաներին փոխանցեց մեծ փորձ և գիտելիքներ: Լիանան և Սամուելը հնարավորություն ունեցան ներկայացնել ԱԲՀ-ն Յագելլոնիան համալսարանի Ուսանողական Գիտական խորհրդի նախագահ Յեժի Կրզեսովիակին, որտեղ քննարկվեցին մի շարք հնարավորություններ հետագա համագործակցության վերաբերյալ: Յեժի Կրզեսովիակը մեծ սիրով համաձայնեց կազմակերպել ԱԲՀ ՈՒԳԸ-ի հետ համատեղ հեռավար սեմինարներ, քննարկումներ և հետազոտությունների փոխանակումներ: Ինչպես նաև երկու համալսարանների «Արտաքին կապեր» բաժինները ակտիվորեն կհամագործակցեն հետագա լայնամասշտաբ կոնֆերանսների կազմակերպման համար, արդեն Երևանում:

Սույն թվականի ապրիլի 5-ից 7-ը «Կրթություն և կարիերա EXPO 2023» ամենամյա՝ թվով 22-րդ ցուցահանդեսը կազմակերպվում է Հայաստանի արդյունաբերողների և գործարարների միության ու «LOGOS EXPO Center» ցուցահանդեսային ընկերության կողմից՝ ՀՀ կրթության, գիտության, մշակույթի և սպորտի նախարարության աջակցությամբ, որին  մասնակցում է նաև Ավանդական բժշկության համալսարանը:

Հայ-ռուսական համալսարանում տեղի ունեցավ Ավանդական բժշկության համալսարանի ֆուտբոլի ներբուհական առաջնությունը:

2023թ․ մարտի 9-ին տեղի ունեցավ ԱԲՀ Գիտական մասի "ԱԲՀ Բաց գիտություն" նախագծի 4-րդ միջոցառումը։ Հայկական Կարմիր Խաչի Ընկերությունից (ՀԿԽԸ) հրավիրված հատուկ հյուրերն էին՝ ՀԿԽԸ Առաջին օգնության բաժնի վարիչ, բժիշկ Զարա Խուդոյանը և առաջին օգնության մասնագետ, հրահանգիչ Գուրգեն Հովհաննիսյանը, ովքեր հանդես եկան առաջին օգնության հիմունքների թեմայով գիտապրակտիկ բաց դասախոսություն-վարպետաց դասով։

Վերջերս, մարտի 1-ին Ավանդական բժշկության համալսարանի և «AvoTar» ՍՊԸ-ի /Մասնագիտական ուսուցման և հավաքագրման գործակալություն/  միջև ստորագրվել է փոխըմբռնման հուշագիր: Այսուհետ, ընկերությունները կհամագործակցեն Գերմանիայում ԱԲՀ Բուժական ֆակուլտետի շրջանավարտների համար համապատասխան աշխատանք գտնելու  հարցում: